Regnbogakaka í kittkatt fíling

Stelpan mín 12 ára vildi fá kittkatt köku en þar sem hún er að slíta síðasta parinu af barnaskónum sínum vildi hún kveðja krakkaárin með prinsessuþema ;)

340 gr sykur

170gr smjör við stofuhita

350 gr hveiti 

3 tsk lyftiduft

5 tsk maldon salt, 

4 stk egg

3 dl mjólk

1. Hitið ofnin í 180 og smyrjið tvö hringlaga eldföst mót að innan ca 22 cm að stærð. Klippið út smjörpappír og setjið í formið svo auðvelt verði að ná hverjum botni úr forminu. Best er að nota smelluform.

2. Hrærið smjörið þar til að það er létt og ljóst , bætið við sykrinum smátt og smátt saman við og hrærið í 2 mín.

3. Bætið við eggjunum saman við einu í einu og hrærið vel á milli, bætið svo vanilludropum saman við.

4. Blandið öllum þurrefnunum saman í skál og blandið saman við deigið smátt og smátt til skiptis með mjólkinni.

5. Vigtið deigið í heild sinni og skiptið svo í 4 skálar. Setið matarlit saman við skálarnar og blandið saman þangað til að þið hafið náð þeim lit sem þið ætlið að hafa á kökunni.  Mér finnst best að nota gel liti, ekki eins mikið aukabragð af þeim.

Bakið í 10-15 mín eða þar til að hægt sé að stinga pinna í og hann komi hreinn út. 

Brauðhleifur

Prufaði þennan hleif og var svona rosalega ánægð :)

Brauðhleifur

4 dl spelt (1 fínt og 3 gróft)

2 dl íslenskt byggmjöl

1 dl haframjöl (ég kaupi glútenlaust)

1 dl kókosmjöl

1 msk. vínsteinslyftiduft*

1 tsk. sjávarsalt

2 dl lífræn hrein (grísk) jógúrt

1½ dl heitt vatn

1. Hitið ofninn í 200°C.
2. Blandið saman þurrefnunum og svo blautu
   efnunum.
3. Ekki hræra of mikið eða of lengi svo
   deigið verði ekki seigt.
4. Setjið deigið á bökunarpappír á
   bökunarplötu og bakið í um 25-30 mín eða þangað til hleifurinn er orðinn
   gullinn og fallegur

Til að athuga hvort brauð (kökur) sé tilbúið, getið þið stungið í það prjóni, og ef hann kemur hreinn upp úr er brauðið bakað í gegn.

Þið getið endilega bætt við 1-2 dl af fræjum í þessa uppskrift, bætið þá
bara við vökva ef ykkur finnst þurfa.
* Vínsteinslyftiduft: Er lyftiduft sem má nota í allan bakstur
eins og annað lyftiduft. Vínsteinslyftiduft er unnið úr svokölluðum vínsteini
sem er hvíta duftið/saltið sem verður eftir innan á víntunnum þegar
vínberjasafinn hefur gerjast í þeim. Svo er því blandað við maíssterkju og
natrium carbonat til að gefa góða lyftiduftsblöndu. Þumalfingursreglan er 1 tsk
vínsteinslyftiduft fyrir hver 100g af mjöli.

tekið af síðunni hennar Ebbu á Rúv.